Þú getur endurgreitt iðkanda hluta áskriftargjaldsins, til dæmis þegar hann hefur greitt fyrir þjónustu sem hann nýtir ekki að fullu eða ef hann tekur ekki þátt í þjónustunni vegna sérstakra ástæðna. 

Til að endurgreiða hluta af greiddri upphæð:

  1. Veldu Þjónustuyfirlit í vinstri valmyndinni. Finndu þjónustuna þar sem iðkandinn er skráður og smelltu á hana.
  2. Notaðu leitarstikuna til að finna iðkandann.
  3. Finndu áskriftina sem á að hætta við í þjónustulistanum hægra megin á skjánum.
  4. Smelltu á punktana og veldu Fjarlægja áskrift í fellivalmyndinni.
  5. Í glugganum sem birtist, veldu áskriftina sem á að fjarlægja og hakaðu í viðeigandi valkosti:
    • Fjarlægja iðkanda úr flokki: Þegar hakað er í þetta verður iðkandi fjarlægður úr flokknum og mun ekki lengur sjá dagskrá, viðburði og annað sem tengist flokknum.
    • Sýsla með reikning: Hakaðu í þetta til að fara í reikninginn þar sem þú getur endurgreitt að fullu eða hluta greiðslunnar, fellt niður greiðslu, eða veitt afslátt.
    • Athugasemd stjórnanda: Sláðu inn skýringu fyrir aðgerðinni. Athugasemdin verður einungis sýnileg stjórnendum í kerfinu.  
  6. Veldu Staðfesta og fara í reikning til að halda áfram.
  7. Í reikningnum undir Greiðslumáti skaltu staðfesta að greitt hafi verið með greiðslukorti. Smelltu á punktana þrjá við hliðina á greiðslunni og veldu Endurgreiða.
  8. Í glugganum sem opnast, veldu Hluta endurgreiðsla og sláðu inn upphæðina sem á að endurgreiða. Smelltu á Endurgreiða.
  9. Reikningurinn fer í stöðuna Ógreitt. Til að ganga frá reikningnum og merkja hann greiddan, smelltu á punktana þrjá við hliðina á Ógreitt - skoða kvittun og veldu Stofna greiðslu. 
  10. Veldu Niðurfelling sem greiðlsumáta og sláðu inn eftirstöðvar reikningsins svo lokaupphæðin verði 0.
  11. Reikningurinn verður merktur greiddur og búið að ganga rétt frá honum.


TENGDAR GREINAR


Leitarorð: endurgreiðslur, niðurfelling, reikningar