Við höfum nú fært greiðsluseðlakerfið okkar. Hér að neðan útskýrum við m.a hvernig þessar breytingar hafa áhrif á uppgjör, innheimtu og greiðsludreifingar.
1. Breytingar á uppgjöri og afstemmingu
Uppgjörið breytist frá því sem áður var og kemur nú beint frá greiðandanum sjálfum, ekki lengur frá “Greiðslumiðlun Íslands”.
Greiðsla berst strax – Um leið og greiðandi greiðir seðilinn í heimabanka, kemur greiðslan samstundis inn á bankareikning viðkomandi félags eða deildar.
Auðvelt að nálgast uppgjör í Abler – Hægt er að velja tímabil og sækja uppgjör í Excel-skjali á einfaldan hátt.
Sjá leiðbeiningar varðandi uppgjör hér: Uppgjör
2. Útgefnir greiðsluseðlar og greiðsludreifingar
Ef greiðsludreifing var stofnuð hjá Greiðslumiðlun Íslands, þá verður næsti óútgefni greiðsluseðill í dreifingunni gefinn út hjá í Abler.
Allir greiðsluseðlar verða gefnir út í kennitölu félagsins eða deildar og birtast þar undir nafni samkvæmt fyrirtækjaskrá.
Útgefnir greiðsluseðlar undir merkjum Greiðslumiðlunar Íslands klárast þar.
Allir nýir greiðsluseðlar og greiðsludreifingar eru nú stofnaðir hjá Abler.
3. Innheimta hjá Mótus
Já, allt helst óbreytt varðandi innheimtu hjá Mótus.
Ef félagið er ekki í innheimtu hjá Mótus, þá helst það einnig óbreytt.
4. Ef viðskiptavinur greiðir ekki á eindaga, hvað gerist?
Seðillinn fer í vanskil – Ef greiðsla berst ekki á eindaga, verður greiðsluseðillinn skráður sem vanskil í Abler og hjá Mótus.
Áminning um skuld – Mótus sendir áminningu um ógreidda skuld fimm dögum eftir eindaga.
Innheimtuaðgerðir hefjast – Ef greiðsla berst ekki innan ákveðins tíma, fer krafan í innheimtuferli hjá Mótus.
Félagið hefur stjórn á ferlinu – Hægt er að fella niður greiðsluseðla í Abler og/eða ákveða hvaða kröfur fara í innheimtu í gegnum innheimtuvef Mótus.
Ef félagið er ekki í innheimtu hjá Mótus, þá á þetta ekki við.
5. Hlutfall félags af áföllnum kostnaði
Hvað fær félagið af vöxtum, fjármagnstekjuskatti og innheimtukostnaði?
Dráttarvextir – Allir dráttarvextir sem falla á greiðslu renna til félagsins.
Fjármagnstekjuskattur – Ef félagið er ekki undanþegið fjármagnstekjuskatti, er skatturinn dreginn af áður en vextirnir eru greiddir til félagsins.
Innheimtukostnaður – Fer til innheimtuaðilans (t.d. Mótus) og rennur ekki til félagsins.
Seðilgjald – Bætist ofan á greiðslu í heimabanka kaupanda og rennur til Abler.
Dæmi:
Ef greiðandi er með kröfu í vanskilum og greiðir hana með áföllnum dráttarvöxtum, þá fær félagið vextina að frádregnum fjármagnstekjuskatt ef á við annars alla upphæðina, en innheimtukostnaður fer til innheimtuaðila.
Fyrirvari:
Allar breytingar á greiðsluseðlum félags verða að eiga uppruna sinn í Abler eða innheimtukerfi Mótus til að tryggja rétta uppfærslu gagna í Abler. Abler ber ekki ábyrgð á uppfærslum á greiðslum í Abler þar sem átt hefur verið við upplýsingar greiðsluseðils beint í heimabanka félagsins.
Sjá skilmála hér.